‘Amnistia në kohën e duhur’, Shalsi: S’mund të bëhej pa forcuar strukturat ligjore! Njësi inteligjence për të hetuar paratë

Ministri i Shtetit për Sipërmarrjen, Eduard Shalsi tha se amnistia fiskale erdhi në kohën e duhur dhe se nuk mund të ndodhet më parë pa ngritjen e strukturave ligjore brenda institucioneve financiare. Ai tha se po krijohet një strukturë e posaçme të specializuar dhe inteligjente për të identifikuar ata para apo aktivitete të dyshimta.

Ministri i Shtetit për Sipërmarrjen, Eduard Shalsi tha se amnistia fiskale erdhi në kohën e duhur dhe se nuk mund të ndodhet më parë pa një ristrukturim të thellë të administratës tatimore, pa aksionin e goditje së krimit dhe ngritjen e strukturave ligjore brenda institucioneve financiare. Gjatë një lidhje skype në “5 pyetje me Babaramon”, Shalsi tha se janë krijuar kushtet ligjore për një amnisti të tillë që në fakt nuk është vetëm fiskale por edhe penale.

“Evidentimi i rasteve të mëparshëm solli pikërisht këtë amnisti fiskale për legalizimin e parave cash. Nëse një amnisti fiskale nuk niset me një aksion për goditjen e krimit dhe strukturave ligjore brenda institucioneve financiare si skemat e TVSH dhe masa të tjera që nëse nuk merren në mënyrën e duhur do ta bëni amnistinë fiskale një proces të dyshimtë. Ka një kërkesë edhe nga biznesi dhe nga sipërmarrja dhe emigrantët dhe është pjekur si kërkesë dhe me strukturat e ngritura dhe proceset e forta të marra me informalitetin. Janë krijuar kushtet ligjore dhe institucionale për t’ju përgjigjur kësaj kërkese duke krijuar amnistinë fiskale. Kjo është bërë shumë më herët edhe nga Belgjika, Gjermania apo Italia me të cilat jemi konsultuar. Nuk do të ishte e mundur si amnisti në këto momente nëse paralelisht nëse nuk ndo kishim filluar proceset e ristrukturimi të  thellë të administratës tatimore dhe hetimit tatimor. Nuk kemi pasur një sistem kur sipërmarrësi po hetohej në mënyrë të drejtë dhe profesionale.” tha Shalsi

Ministri Shalsi tha se në bazë të rekomandimeve të FMN po krijohet një strukturë e posaçme të specializuar dhe inteligjente që do të përdorë një databaze të dhënash për biznese dhe individë pikërisht për të identifikuar ata para apo aktivitete të dyshimta. Shalsi tha se drafti është ende në diskutim dhe sigurisht që ka vend për diskutime.

Në bazë të rekomandimeve të FMN po krijojë një strukturë të posaçëm për kontrolle të specializuar ku jo çdokush mund të nis një hetim se i teket. Po krijojmë një njësi inteligjence që do të përdorë një databaze të dhënash për biznese dhe individë që po integrohen dhe bashkëpunojnë për analiza të thella dhe aq më mirë do të identifikohen bizneset dhe individët me aktivitet të dyshimtë. Projekti i fiskalizimit do të mundësojë në kohë reale të çdo transaksioni në Shqipëri. Po krijojmë regjistrin e aseteve të biznesit dhe numrin e punonjësve dhe kohës së punës së tyre në funksion të deklarimeve tatimore. Drafti është ende në diskutime dhe sigurisht që ka vend për përmirësime“, tha Shalsi

Show More

Related Articles

Leave a Reply

Your email address will not be published. Required fields are marked *

Back to top button
WP2Social Auto Publish Powered By : XYZScripts.com
Close