Arrestohet 31-vjeçari shqiptar që vrau ish-bankierin italian në sy të gruas (EMRI)

Policia italiane ka arrestuar një nga dy autorët e krimit makabër që ndodhi dje në Leçe të Italisë. Paulin Meçaj është një prej personave që ekzukutuan ish-bankierin italian Giovanni Caramuscio, 69 vjeç.
Ngjarja ndodhi në Lequile të Leçes, ndërsa i moshuari ishte duke tërhequr para nga një bankomat ATM, në degën e Banco di Napoli në San Pietro në Lama. E gjithë ngjarja ndodhi në sy të bashkëshortes së tij, e cila po e priste në makinë.
Personi tjetër i përfshirë në ngjarje dyshohet se është vëllai i Paulinit dhe nuk është kapur ende. Ishin kamerat e sigurisë së bankës që ndihmuan në identifikimin e autorëve dhe po ashtu edhe dëshmia e gruas së viktimës, pavarësisht nga fakti se të dy i kishin fytyrat e tyre të mbuluara me maska.
Gjatë arratisjes, autorët lanë më shumë se një gjurmë të dobishme për identifikimin e tyre. Media italiane TGR ka publikuar gjithashtu edhe foton e autorit të vrasjes dhe që nga një vëzhgim në rrjete sociale, Newsbomb arriti të sigurojë fotot e tij.

Nuk dihet nëse vrasja ka ardhur pas një sherri të momentit apo ka qenë një grabitje e dështuar e cila fatkeqësisht përfundoi me një viktimë.

Related Articles

Leave a Reply

Your email address will not be published. Required fields are marked *

Back to top button