KALORËSI I ÇMENDUR/ BY:Zj Softa

KALORËSI I ÇMENDUR
BY:Zj Softa

Memorja ime sot rend
si kalorës i çmendur
Mbi gjurmët e vjetra
ku dikur ka shkelur
Kërkon e gërmon aty
shumë vite më parë
Të kaluarën e tij
të fshehur si thesar.

Aty ku nuk dashuroheshin
me makinat lluksoze
Aty ku dashuroheshin zemrat
dhe jo trupat muskuloze
Aty ku nuk kishte njerez
me celular në dorë
Por kishte vizita tek njëri tjetri
në çdo orë .

Aty ku nuk kishte shtëpi të mëdha
me njerëz të vetmuar
Por kishte shtëpi të vogla
me njerëz të bashkuar
Aty ku nuk kishte hendek
të shoqërisë të pasur e të varfër
Aty ku kishte dashuri,
respekt dhe hatër .

Kërkon ky kalorës atë kohë,
e hingëllin si i marrë
Për gjërat e tij
që i kish humbur më parë .
Hingëllimën dhe trak trukun
e hapave të tij askush nuk i dëgjoi
Ish një udhë imagjinare
që as vetë nuk e kuptoi !
(Buqa Softa)

Related Articles

Leave a Reply

Your email address will not be published. Required fields are marked *

Back to top button