Mes debateve në grupin socialist, miratohet kandidatura e Metës për KLSH

Javën e ardhshme, Parlamenti do të votojë kandidatin e Presidentit Ilir Meta, Arben Shehu, për kreun e Kontrollit të Lartë të Shtetit (KLSH).

Gjatë mbledhjes së grupit të Partisë Socialiste sot, është diskutuar për emrin e Arben Shehut.

Në mbledhje ka pasur debate, ku janë përfshirë Bashkim Fino, Erion Braçe dhe Spartak Braho, të cilët kanë kërkuar “llogari” për pranimin e kësaj kandidature.

Pavarësisht debateve, pritet që të enjten tjetër kandidatura e Arben Shehut të marrë dritën jeshile.

Debatet e sotme e vonuan me një orë nisjen e seancës plenare.

Komisioni Parlamentar i Ekonomisë miratoi gjatë mbledhjes së ditës së martë me 15 vota pro, 2 kundër dhe 1 abstenim kandidaturën e Arben Shehut si kryetar i Kontrollit të Lartë të Shtetit, duke i hapur rrugë kalimit për votim në seancën plenare të radhës.

Ky është propozimi i katërt që Presidenti Meta sjell për këtë post. Më herët, mazhoranca ka rrëzuar kandidaturat e Vitore Tushës, Bahri Shaqirit dhe Petraq Milos.

Arben Shehu ka një eksperiencë 15-vjeçare në fushën e së drejtës dhe pedagogjisë.

Show More

Related Articles

Leave a Reply

Your email address will not be published. Required fields are marked *

Back to top button
WP2Social Auto Publish Powered By : XYZScripts.com
Close