Në pranga 30-vjeçari nga Korça,transportonte klandestinë

Ju gjend kanabis në banesë

Transportonte klandestinë për 500 euro, I gjendet edhe kanabis në banesë 30 vjeçarit korçar.

Shërbimet e Komisariatit të Policisë Pogradec, në bashkëpunim me Policinë Rrugore, specialistët e Seksionit për Hetimin e Trafiqeve të Paligjshme dhe Narkotikëve në DVP Korçë e Policinë Kufitare, në vijim të operacionit policor “Perimetri”, kanë goditur një rast tjetër të aktivitetit kriminal në fushën e dhënies së ndihmës shtetasve të huaj për kalim të paligjshëm të kufirit, kundrejt shpërblimit, si rezultat i të cilit u bë kapja dhe arrestimi në flagrancë i shtetasit K. L., 30 vjeç, banues në Korçë.

Ky shtetas u kap nga shërbimet e Policisë Rrugore, në afërsi të fshatit Guri i Kuq, Pogradec, duke transportuar në drejtim të Tiranës, me mjetin tip “BMW X5”, pesë emigrantë të paligjshëm, të cilëve kundrejt shpërblimit prej 500 euro në total, iu kishte premtuar kalimin drejt vendeve të BE-së.

Në vijim të veprimeve të kryera në lidhje me këtë rast, specialistët për Hetimin e Narkotikëve kanë ushtruar kontroll në banesën e shtetasit K. L., në lagjen nr. 9, Korçë, ku kanë gjetur një sasi të vogël me lëndë të dyshuar narkotike kanabis, e cila u sekuestrua në cilësinë e provës materiale.

Related Articles

Leave a Reply

Your email address will not be published. Required fields are marked *

Back to top button
WP2Social Auto Publish Powered By : XYZScripts.com