Rrahu për vdekje gruan se i kërkoi divorcin, gjendet i pajetë në burg

Një burrë i cili ishte burgosur për rrahjen e gruas së tij për vdekje para fëmijëve të tyre është gjetur i vdekur në qelinë e tij të burgut këtë javë.

Familja, nga Utah në SHBA, ishte në bordin e anijes Emerald Princess në Alaskë kur Kenneth Manzanares, 43 vjeç, rrahu për vdekje gruan e tij 39-vjeçare Kristy më 25 korrik 2017.

Ai u deklarua fajtor për vrasje të shkallës së dytë vitin e kaluar dhe u dënua me 30 vjet burg dhe pesë vjet me kusht. Por më 14 korrik, Manzanares u gjet pa ndjenja në qelinë e tij të burgut në Alaskë rreth orës 7 të mëngjesit. Ai u shpall i vdekur në 7.42 të mëngjesit.

Departamenti i Korrektimeve në Alaskë tha në një deklaratë se vdekja e tij nuk ishte e lidhur me Covid-19. Ndryshe, Manzanares, Kristy dhe tre fëmijët e tyre po udhëtonin në lundrim për të festuar 18 vjetorin e martesës.

Gjatë udhëtimit, Kenneth dyshohet se “u këput” kur Kristy qeshi me të dhe i tha që dëshironte të divorcohej. Ekipi i tij i mbrojtjes argumentoi se Manzanares vuante nga një çrregullim dhe kishte qenë duke përzier alkool me ilaçet e tij, duke kërkuar një dënim më të butë prej shtatë vjet e gjysmë pas hekurave. Por, prokurorët thanë se ai duhet të dënohet me burg përjetë.

Related Articles

Leave a Reply

Your email address will not be published. Required fields are marked *

Back to top button