“Zgjohuni nga ne të pagjumët”- Pëllumb Pipero: Do të mbyllen kufijtë me Evropën nëse…

Duke reaguar mbi rritjen e numrit të personave të shtruar në spital për shkak të Covid-19, mjeku i njohur Pëllumb Pipero shkruan se është trishtuese të dëgjosh sot që Shqipërisë i mbyllen kufijtë për këtë arsye.

Pipero thotë se në Spitalin Infektiv shtrohen mbi 20 të sëmurë, shumë më shume se sa u shtruan në një ditë, në fillim të kësaj epidemie në vendin tonë.

Teksa rithekson se virusi është ende midis nesh, Pipero shprehet se nëse situata vazhdon kështu, do të kthehemi mbrapa në kohë, “edhe pse të hapur brenda nesh, do jemi të mbyllur për Europën”!

MESAZHI I PLOTË
Nuk dua t’ju zgjoj,
por zgjohuni me një mesazh nga unë/dhe ne, të pa gjumit!
Është rishtuese të dëgjosh se Shqipërisë i mbyllen kufijtë, është edhe më trishtuese të dëgjosh se sot, disa muaj mbas fillimit të epidemisë, në spitalin Covid 1, shtrohen mbi 20 të sëmurë, shumë më shume se sa u shtruan në një ditë, në fillim të kësaj epidemie në vendin tonë.
Dhe pse vallë?!
Mos virusi u zhduk! Mos vallë pandemia mbaroi! Mos vallë virusi nuk qarkullon më mes nesh dhe me ne çdo ditë, orë e minute!
Mos vallë shkenca zbuloi një vaksinë?!
Mos vallë ne mjekët kemi në dorë një medikament kundër këtij virusi ende vrasës?
JO
Virusi është ende midis nesh!
Ne ende nuk kemi një vaksinë!

Ne ende nuk kemi një ilaç ndaj tij!
Po si dhe me çfarë mund ta luftojmë?!
Vetëm me një armë!
Me distancë dhe me Maskë!
Ndaj sot, në fillim të kësaj dite të re, po ju lutem:
Ruani distancën dhe mbani maskën!
Ndryshe do na ktheni shume mbrapa në kohë, edhe pse të hapur brenda nesh, do jemi të mbyllur për Europën!
Ju lutem me dëgjoni SOT
Nesër është shumë vonë!
Qeveria nuk ka asgjë në dorë!
Gjithçka është në duart tona!
Ju lutem me dëgjoni mua! Mos dëgjoni politikanet sot! Dëgjoni specialistët!
Maska dhe distanca!
Vetëm kaq mjafton!
Kaq pak, për te perfituar me shume liri ne pandemi, me shume ekonomi ne pandemi, me shume argetim ne pandemi, dhe aspk izolim me botën qe po hapet çdo dite!
Na i hiqni kufijtë, duke i vënë kufi virusit, thjesht dhe vetëm me një maske dhe distancë!

Burimi/ Panorama.al

Show More

Related Articles

Leave a Reply

Your email address will not be published. Required fields are marked *

Back to top button
WP2Social Auto Publish Powered By : XYZScripts.com
Close